Tifel makakk, suldat qalbieni u principessa kapriccuza huma whud mill-karattri li se tiltaqa’ maghhom f’din is-sensiela li tigbor fiha l-hrejjef favoriti tieghek! Iftah il-ktieb u ntilef f’dawn il-grajjiet mimlijin magija u avventura!

Meta tliet qzieqez jitilqu mid-dar, jahsbu li se jghixu hajja libera u komda. Ghalhekk, kull wiehed minnhom jibni dar ghalih. Izda meta jdeffes denbu l-lupu l-kattiv, jaghmlilhom hajjithom difficli.

GHAL DIK li hi skola Pietru Pitravu ma kienx aħjar mill-ħmar ta’ Wiżu għax l-istudju qatt ma ried jaf bih.  Iżda meta jiġi għal xi bawxataminn tiegħu kien iħaddem rasu daqs avukat.  Ma tantx kien iħaddem rasu daqs avukat.  Ma tantx kien iħobb iħalliha ħelwa għal melħa u, jekk tħabbatha miegħu aktarx li kont tmur minn taħt.

Il-praspar ta’ Pietru Pitravu kienu ta’ sikwit iħarbtu l-paċi tan-nies tar-raħal kif ukoll t’ommu u missieru.  L-għalliem tiegħu u s-Surmast ta’ l-iskola ġieli tħabblu wkoll fit-taħwid tiegħu.  Iżda bosta drabi oħra Pietru kien jispiċċa moqli b’żejtu.  Dan ġara meta, ngħidu aħna, kiseb għalih innifsu t-Titlu ta’ Ħmar… jew meta mar jaqta’ l-lewż mis-siġar ta’ Kola l-bidwi u kellu xi jgħid mal-bodbod aħrax li kien hemm fl-għalqa.

Mastru Gerfex hu bla dubju l-iktar bniedem popolari f’Hal Busbies. Malli ghalaq is-sittin waqaf mix-xoghol u beda bil-praspar. U xi praspar! Il-barumbati li jaghmel minn jum ghal jum ma jitwemmnux. U kienu sewwasew dawn il-praspar goffi li kisbulu t-titlu eccellenti ta’ Mastru Gerfex. Kien hemm min qal li mohh ix-xwejjah hfieflu bix-xjuhija, waqt li ohrajn xerrduha li rasu tkun spiss iddur bl-inbid li jixrob. Jien ma nafx min minnhom ghandu ragun, u mhix haga kbira li ghandhom bicca ragun kull wiehed. Li naf zgur hu li f’Hal Busbies in-nies kollha jhobbu u jiggostaw lil Mastru Gerfex ghall-praspar li jaghmel. Insomma, mhux in-nies kollha kollha jiggostawh! Is-Surgent Sacco, nghidu ahna, ma jistax jarah impingi, ghax mhux l-ewwel darba li thabbel fix-xibka tal-praspar tieghu. Anzi jhossu cert li l-inkwiet kollu li jinqala’ f’Hal Busbies hu dejjem htija ta’ Mastru Gerfex … u tal-kelb tieghu Ferfex. Ohrajn ghadhom sal-lum ma jafux kif jaqbdu jiktbu x-xwejjah … ghax xi drabi jilghabha tal-ikbar imbecilli fir-rahal kollu, u drabi ohra jhaddem rasu daqs l-iprem avukat. L-ahjar hu li taqraw il-praspar tieghu u tiggudikaw intom.

Fl-ewwel tliet stejjer f’dan it-Tieni Ktieb dwaru naraw lil Karamellu wiċċ imb wiċċ ma’ barbaġann, niltaqgħu ma’ sieħbu magħruf bħala ‘Bertu l-Imqareb’, u nsibu x’ġara minn dulliegħa meta Karamellu mar l-ewwel darba Għawdex.

Fi tliet stejjer oħrajn naqaw dwar praspar waqt waħda mill-fieri tal-Kappillan, nieħdu gost ma’ Karamellu f’ħarġa sa Marsaxlokk u dawra fuq luzzu, u niskopru x’ġara jum minnhom waqt li nannu ta’ Karamellu kien qed iqaxxar il-leħja.

Stejjer oħrajn juruna x’għamlet il-kelba ta’ ziju ta’ Karamellu meta marru jħumu, ilaqqgħuna ma’ Nikol tal-Ħalib u mara li kienet tiffittah, jgħidulna kif grillu ħarbat lejl ta’ mistrieħ fid-dar ta’ Karamellu, u jiftħulna tieqa fuq x’jista’ jiġri minħabba s-sħana, l-għomma u l-għakar.